चिमुटभर साखर

असेच एक दिवस बसून आयुष्याबद्दल बोलत होतो… तर तो म्हंटला आयुष्यात स्पर्धा हवी ग, सगळेच सोपे असेल तर मग जिंकण्यात तरी काय अर्थ आहे? जसं की जेवण तिखट असेल तरी चालेल पण अळणी नको वाटते…  मी त्याच्या डोळ्यात त्याच्या जीवनाचा अर्थ वाचत होते… आणि तो मात्र एकटक माझ्या कडे बघत उत्तराची वाट पाहत होता … सगळे ऐकून फक्त एकच म्हंटले, हो चालेल ना, तुला जेवण तिखट लागले तर एक चिमुटभर साखर द्यायला मी आहे की!

जवळ येउन त्याने मला एक घट्ट मिठी मारली आणि आमच्या आयुष्याची व्याख्या आम्हाला पुन्हा एकदा उमगली …!